Ku dallon Samsung Galaxy Note 20 nga Galaxy S20?

Nuk dallon haha..

Me kalimin e kohës po bëhet më e vështirë për Samsung që të bëjë dallimet mes familjes së Galaxy S dhe Galaxy Note. Me daljen në treg të Galaxy S20, Galaxy S20Plus dhe Galaxy S20 Ultra dhe me ekranet e tyre të mëdha, do të jetë edhe më e vështirë për kompaninë që të bëjë dallimin në marketing mes dy telefonave. Për ti bërë gjërat disi më keq, një person i fushës beson se edhe kamerat e dy telefonave do të mbeten të njejta.

Dizajni i Galaxy Note 20 mund të jetë me cepa katrorë dhe një S-Pen, por asgjë më shumë se kaq

Tipsteri Ice Universe ka një të shkuar mjaft të saktë përsa i përket informacioneve që ka dhënë rreth lajmeve të lidhura me Samsung. Postimi i tij i fundit flet për parametrat e Galaxy Note 20, të cilat sipas tij nuk do të dallojnë shumë nga seritë e S20, përfshirë edhe kamerat që do të mbeten të njejta. Nga hiçi këtu u fut edhe Max Weinbach, që praktikisht konfirmoi të njejtën gjë si Ice Universe.

Nëse kjo do të jetë e vërtetë, atëherë do të jetë realisht e vështirë për klientët që të duan të blejnë një model Note. Plus çmimet e Galaxy S20 dhe Galaxy S20 Plus kanë rënë me $200 në këtë pikë.

Gjithsesi, gjërat nuk duhen parë me kaq pesimizëm, pasi ka ndryshime të vogla por të rëndësishme. Display i Galaxy Note 20 pritet që të bëhet upgrade. Në dallim me familjen Galaxy S20, Note 20 mund të suportojë një ekran WQHD+ 120Hz. Vlera e storage gjithashtu mund të reduktohet në 128GB për të sjellë një çmim më të lirë.

Nëse nuk ka mjaftueshëm dallime, shitjet e Galaxy Note 20 mund të jenë zhgënjyese edhe për këtë vit edhe për të ardhshmin. Fatmirësisht, asnjë nga këto lajme nuk është konfirmuar nga Samsung, ndaj mos e merrni menjëherë për të mirëqenë.