Samsung Galaxy Fold 2 do të kushtojë më pak se $1000

Shtohen zërat rreth Galaxy Fold 2

Ka pasur prova të vazhdueshme se Galaxy Fold 2 po zhvillohet. Zërat thonë se ky smartphone mund të ketë forma dhe përmasa tërësisht të ndryshme, si dhe të përdorë një stylus. Ndërkohë që Galaxy Fold kishte një çmim mjaft të kripur, me shumë mundësi as Samsung nuk donte t’i shiste ato. Galaxy Fold 2, megjithatë, pritet të kushtojë shumë më pak se paraardhësi, sipas një raporti.

Ky raport thotë se telefoni i ardhshëm i palosshëm i Samsung do të kushtojë $845 dhe kompania ka si qëllim të shesë më shumë se 6 milionë njesi. Kjo është një shifër shumë e arritshme, duke qënë se Samsung arriti të shesë 500,000 Galaxy Folds për $2000.

Për më tepër, një çmim prej $845 do e bënte Galaxy Fold 2 më të lirë se shumica e flagships, të cilët tashmë kushtojnë mbi $1000. Do të jetë intersante të shohim se çfarë hardware do të përdorë ky telefon i palosshëm. Nuk dihet asgjë për këtë, pasi Samsung ka bërë një punë të mirë për t’i mbajtur sekret parametrat.

Galaxy Fold 2 thuhet se do të zbulohet në gusht të 2020, sipas raportit. Ai do të zbulohet midis lançimit të Galaxy S11 dhe Note 11. $845 për një telefon të palosshëm është një çmim shumë i mirë dhe Samsung ka rrezik që të ulë shitjet e Galaxy S11 dhe Note 11 me Fold 2.

Do të jetë interesante të shohim kompromiset që Samsung ka bërë për të justifikuar çmimin $845. Mbase Samsung ka vendosur të përdorë një procesor mid-range Exynos ose Snapdragon. Çfarëdo që të ndodhë, shpresojmë që kompania të mos përsërisë të njëjtat gabime që bëri me Galaxy Fold. Duke gjykuar vetëm nga çmimi, shumë njerëz do të shprehin interesin në këtë smartphone dhe gjëja e fundit që Samsung do të dëshironte është një tjetër katastrofë.

Megjithatë, të gjitha këto janë spekulime dhe do të na duhet shumë kohë përpara se të dëgjojmë diçka konkrete për Samsung Galaxy Fold 2.