Sailor Moon e kishte fillimin e saj si një seri manga në Japoni, por shumë shpejt u kthye në një serial të njohur në mbarë botën. Historia trajton Usugi Tsukino, një studente normale që papritur merr fuqi magjike dhe fillon të luftojë të keqen. Historia është e ndarë në pesë pjesë në të cilat Sailor Moon dhe miqtë e saj përballen me kërcënime të shumta.
Ç’është e vërteta ky përshktim është totalisht i panevojshëm. E dimë që të gjithë e kemi parë te BangBang këtë kur ishim të vegjël. Lajmi i mirë këtu është që do të kemi mundësinë t’i shohim këto episode falas në YouTube, falë Crunchyroll. Faqja do të publikojë çdo episod të tre pjesëve të para në YouTube që fansat të mund të rijetojnë nostalgjinë e asaj kohe.
Nëse jeni një binge-watcher kini parasysh se episodet do të postohen me periudha javore, duke filluar në 24 prill dhe duke vazhduar deri në 17 korrik. Ato do të postohen dhjetë nga dhjetë.
Pra nëse nuk keni ndonjë gjë më të mirë për të bërë këtë të premte, dhjetë episodet e para të Sailor Moon do të jenë falas në YouTube.