Sa XP ju duhet për të arritur nga Level 1 në 100 në Fortnite

Për shumë lojtarë të Fortnite, synimi është që të fitojnë sa më shumë XP që të jetë e mundur përgjatë një sezoni. Sigurisht që kanë edhe synime të tjera si: të fituarit të ndeshjeve, të plotësuarit të sfidave, etj, por të gjitha këto të mundësojnë të njejtën gjë, që është të fituarit XP.

Battle Pass i Season 4 ka 100 tiers, si çdo battle pass tjetër përpara tij. Për shumë prej tyre, tier 100 është synimi kryesor i sezonit, por për ta bërë këtë ju duhet shumë XP. Se sa ekzaktësisht do e zbulojmë më poshtë:

SA XP DUHET PËR TIER 100?

Në Fortnite Season 4, Battle Pass-i ka shtatë skine unike të frymëzuara nga superheronjtë e Marvel. Sigurisht, keni mundësi të bëni upgrade këto skine, që ju jep lojtarëve një arsye tjetër për të kërkuar më shumë XP.

Teksa skine si She-Hulk, Doctor Doom dhe Storm janë fantastike, ato nuk krahasohen me skinin e Iron Man, që është në tier 100. Një nga heronjtë më të njohur në Marvel Cinematic Universe, Iron Man është skini më i kërkuar në Battle Pass-in e Season 4.

Duke qenë se Iron Man është skini më i dëshiruar, shumë lojtarë po pyesin veten se sa XP duhet për të arritur Tier 100. Anëtarët e komunitetit të Fortnite bënë llogaritë dhe dolën në konkluzionin se duhen 7,570,000 XP për të arritur tier 100, pa blerë tiers të tjerë me V-Bucks.

Sigurisht që thuajse 8 milionë XP nuk kapen brenda natës, por mund të plotësoni sfidat javore për t’ju përafruar asaj shifre. Sfidat e javës së parë janë live dhe japin minimalisht 25,000 XP për çdo objektiv të plotësuar.

Përtej kësaj mënyra më e mirë për të fituar XP është duke luajtur Fortnite. Nëse fitoni ndeshje dhe luani mirë do të merrni XP. Pra nëse doni të kapni tier 100 dhe të fitoni skin-in e Iron Man, bën mirë të filloni nga puna.