E ardhmja duket e ndritur për Overwatch
E ardhmja duket e ndritur për Overwatch
Me një esports league shumë të ndjekur dhe Overwatch 2 që pritet të vijë, Overwatch mbetet ende një lojë popullore pas 3 vitesh. Overwatch League do të nisë vitin tjetër dhe fansat do të kenë mundësi të shohin ndeshje të Overwatch në qytetet e tyre. Por sa njerëz po luajnë Overwatch çdo ditë?
Blizzard Entertainment zakonisht nuk i nxjerr numrat ekzaktë të lojtarëve të një loje. Megjithatë, disa herë zhvilluesit e Overwatch publikojnë statistika rreth numrit të lojtarëve. Disa ditë më parë, drejtori i Overwatch Jeff Kaplan zbuloi numrin e lojtarëve në BlizzCon 2019.
BlizzCon 2019 ishte hapi i rradhës në historinë e Overwatch, pasi u zbulua Overwatch 2. Blizzard e zbuluoi lojën gjatë ceremonisë hapëse të BlizzCon, duke i dhënë fansave një ide të përgjithshme mbi atë që pritet të vijë. Kaplan siguroi fansat e vjetër se të gjitha skin-et dhe arritjet e tyre do të kalonin në versionin e ri kur ata të blenin një kopje të lojës.
Ndërkohë, duke shpjeguar më shumë për lojën, Kaplan tha se Overwatch ka krijuar një komunitet prej mbi 50 milionë lojtarësh, të cilët ata i vlerësojnë shumë.
Nuk është e qartë se kujt i referohet kjo shifër, por mund të hamendësojmë se janë 50 milionë kopje të shitura dhe jo lojtarë aktivë. Megjithatë, shifra e fundit që morrëm nga Blizzard ishte 40 milionë lojtarë në maj të 2018, pak përpara eventit të dy vjetorit të lojës. Disa muaj më vonë, Blizzard raportoi 37 milionë përdorues aktivë në të gjitha lojërat në gusht të 2018, një shifër e cila kishte rënë me rreth 1 milionë prej çerekut të parë të 2018.
Këto shifra nuk janë aspak të këqija për Overwatch, pasi loja nuk ka vdekur dhe akoma sjell fitime për Blizzard nëpërmjet loot boxes dhe interesit nga fansat për Overwatch League. Me Overwatch 2 në horizont, duket se loja ka një të ardhme të ndritur përpara.