Çmimet e tyre janë shumë të përafërta me ato të Galaxy S10
Çmimet e tyre janë shumë të përafërta me ato të Galaxy S10
Ka patur zëra të shumtë rreth çmimit të serisë Samsung Galaxy S20. Disa spekulojnë se çmimi bazë do të nisë tek $800 për Galaxy S20, ndërkohë që mund të shkojë deri në $1500 për Galaxy S20 Ultra 5G. Çmimet padyshim që do të variojnë në varësi të shteteve dhe një faqe polake duket se ka zbuluar çmimin e serisë Galaxy S20 për Europën.
Galaxy S20 pritet të nisë tek €812, Galaxy S20 Plus €1,023 dhe Galaxy S20 Plus 5G do të kushtojë €1,128. Ndërkohë, Samsung Galaxy S20 Ultra 5G do të nisë nga €1,395. Duket se nuk do të ketë një version 4G për Samsung Galaxy S20 Ultra, por do të mësojmë më shumë kur këta smartphone të zbulohen zyrtarisht.
Këto çmime janë shumë të ngjashme me ato të Galaxy S10 dhe S10 Plus, të cilët shiteshin $900 dhe $1000 respektivisht kur u lançuan. Edhe Galaxy S10 Plus G niste në çmimin $1300.
Padyshim që çmimet e serisë Galaxy S20 janë shumë të larta për një smartphone, por këtu duket se po drejtohet industria. Pritet që Galaxy S20 të vijë me specifika fantastike, por gjithsesi mbetet e vështirë që të justifikohet një çmim i tillë për një smartphone. Edhe Galaxy Z Flip i cili do të vijë së bashku me serinë Galaxy S20 do të kushtojë rreth $1400.
Edhe tani kemi telefona të palosshëm që kushtojnë rreth $2000 si Galaxy Fold dhe Huawei Mate X. Duke parë rritjen e vazhdueshme të çmimeve, nuk do të na duhet të presim shumë përpara se $2000 për një smartphone të jetë një çmim standart. Kërkesa për smartphone rreth $500 vazhdon të jetë në rritje dhe duket se kjo nuk do të ndalojë duke parë çmimet në rritje.