Playstation 5 mund të jetë më i përballueshëm se ç’mendoni
Playstation 5 mund të jetë më i përballueshëm se ç’mendoni
Hardware i përmirësuar, përshirë këtu një CPU dhe GPU të re si dhe një SSD të krijuar posaçërisht, do e bëjnë Playstation 5 një konsolë shumë më të fortë se ajo paraardhësja. Por sa do të kushtojë ajo?
Spekulimet e para sugjerojnë se PS5 do të vijë fillimisht me një çmim prej $499, i cili e vendos atë në mes të çmimit të PS3 dhe të PS4. Ky çmim do të ishte njësoj me atë të Xbox One X të Microsoft, që gjithashtu kushtonte $499 kur u lançua.
PS3 u lançua me një çmim shumë të lartë prej $599 për versionin më të avancuar të konsolës, një çmim që ende nuk është kaluar nga asnjë konsolë që prej asaj kohe. Kjo e bënte atë $200 më të shtrenjtë se Xbox 360 më i shtrenjtë i asaj kohe, i cili ishte $399.
Sony vendosi të rregullonte gabimin që kishte bërë kur lançoi PS4, duke vendosur një çmim $399 gjatë lançimit, me modelet e tjera që vinin me çmime të tjera. PS4 Pro erdhi në 2017 dhe ishte një version i përmirësuar i konsolës origjinale, por gjithsesi kishte të njëjtin çmim, me PS4 Slim, një version më i vogël me më pak përmirësime, që kushtonte $299.
Ashtu si PS3 dhe Xbox 360 që kishin versione të ndryshme të konsolës që në ditën e lançimit, Sony mund të bëjë të njëjtën gjë dhe me PS5. Kjo do t’i jepte mundësi lojtarëve më casual të blenin një konsolë më të lirë, ndërkohë që ata që kërkojnë një eksperiencë premium mund të shpenzojnë më shumë për të marrë diçka të fuqishme sa një PC i mirë gaming.
Një çmim bazë $499 është i arsyeshëm kur merr parasysh të gjitha risitë që do të vijnë me konsolën si dhe përmirësimet që do të vijnë tek lojërat e vjetra të PS4 të cilat mund të luhen në PS5.
Backwards compatibility gjithashtu mund ta bëjë më të lehtë kalimin tek konsola e re, pasi lojtarët mund të kalojnë pa pasur frikë se nuk mund të luajnë lojërat e tyre të vjetra. Kjo do t’i kursente atyre shumë para, por gjithashtu do të sillte fitime dhe për Sony.
Megjithatë, ashtu si me PS4, Sony mund të preferojë të mos të ketë fitime të mëdha nga shitjet fillestare në mënyrë që të jetë një hap përpara kundërshtarëve në gjeneratën e ardhshme. Sidomos duke marrë parasysh kalimin e gaming në kohët moderne në formatin dixhital, kompania mund të ketë fillimisht humbje dhe më pas të nxjerrë fitime afatgjata.
Jemi ende më shumë se një vit larg nga lançimi i PS5, prandaj prisni që me ardhjen e më shumë detajeve rreth konsolës, çmimi i saj të jetë më i lehtë për t’u gjetur.