S1mple bëhet sërish ban nga Twitch

I konsideruar si një nga profesionistët më të mirë në historinë kompetitive të Counter-Strike, s1mple i Natus Vincere herë pas here e ndan gameplay-in e tij jashtë botës së përhershme të turnamenteve.

Përmes Twitch, fenomeni i FPS ka arritur gati një milionë ndjekës. Në 13 gusht ai u përball me pengesën e parë në këtë platformë përmes një bani dhe tani për pak muaj është hasur me ban-in e tij të dytë për 2019n.

Adresa e tij në Twitch u hoq në 28 nëntor për arsye jo të bëra publike. As Twitch dhe as organizata e s1mple, Natus Vincere nuk janë shprehur publikisht rreth ngjarjes.

Twitch ka refuzuar shpesh të komentojë mbi heqjen e kanaleve, ndaj është e pazakontë që të presim të zbulojmë diçka më shumë prej platformës së Amazon në këtë rast.

I bërë ban fillimisht pasi përdori një frazë homofobike gjatë një loje FPL, s1mple ju kthye agresivisht Twitch online, duke e quajtur “një shaka”.

Duke postuar një screenshot që shpjegonte arsyen pas ban-it të tij të parë, ai i konfirmoi raportimet e bëra për të, të cilat shkelnin drejt për së drejti rregullat e Twitch. Gjithsesi, arsyet janë të paqarta se nga ka rezultuar ban-i i dytë.

Lojtari pro ka qenë inaktiv në Twitter që në 19 nëntor dhe me pak informacion të ditur për rrethanat e këtij ban-i , askush nuk e di se sa do të zgjasë pezullimi i tij në Twitch. Këto të fundit zakonisht zgjasin nga 24 orë deri në ban-e të pafundme, në varësi të seriozitetit të situatës. Momentalisht na mbetet të presim derisa të zbulojmë më shumë informacion.