Single-i, “No Save Point”, u shfaq në fillim të javës dhe tani kemi një video shoqëruese të El-P dhe Killer Mike duke interpretuar këngën e tyre, në një rikrijim plot me efkete të një magazine të Cyberpunk 2077.
Efektet dhe pamjet vizuale janë me të vërtetë mbreslënëse dhe ndonjëherë të bëjnë të mos e kesh shumë mendjen tek vetë kënga. Në një intervistë që i paraprinte premierës si pjesë e Adult Swim Festival, një ngjarje digjitale me shfaqje dhe video muzikore, dyshja muzikore komentoi mbi krijimin e këngës, çfarë i tërhoqi ata në lojën e ardhshme të CD Projekt dhe dashurinë e tyre për trillimet shkencore. “Doja të bëja diçka që ishte e inspiruar nga diçka si Bladerunner”, thotë El-P mbi prodhimin e këngës. “Ka një pjesë fillestare, dhe një lloj kodi në fund. Doja ta fusja në botën cyberpunk dhe të ndjehesha sikur mund ta dëgjonit këtë këngë në një makinë fluturuese.”
Një numër artistësh të tjerë të shquar, të tillë si Grimes, Refused dhe A$AP Rocky, do të shfaqen në kolonën zanore. Të gjithë do të interpretojnë me pseudonime brenda universit; Run The Jewels ka marrë titullin e Yankee and the Brave.