Kjo është e para prej dy lojërave të publikuara nga Riot Forge
Kjo është e para prej dy lojërave të publikuara nga Riot Forge
Riot Games zbuloi para pak ditësh se një lojë single-player me histori rreth League of Legends do të debutojë në The Game Awards. Kjo lojë u zbulua gjatë eventit dhe quhet Ruined King. Ruined King është një RPG nga Airship Syndicate, një studio e krijuar nga disa ish-zhvillues të Darksiders, të cilët lançuan Darksiders Genesis.
Nuk ka shumë detaje për lojën, por ajo zhvillohet pas Burning Tides. Ndryshe nga League of Legends që është një MOBA, kjo lojë është single-player turn-based e cila flet për historinë e gjërë të Runeterra dhe kampionëve të lojës në një mënyrë krejtësisht tjetër.
Ruined King: A League of Legends Story është loja e parë e zbuluar e vendosur në universin e League of Legends, pasi zhvilluesi zbuloi muajin e kaluar se kishte krijuar Riot Forge, një studio publikuese e cila do të punonte me zhvillues të tjerë për të publikuar lojëra në universin e League of Legends.
Më poshtë mund t’i hidhni një sy trailer-it të Ruined King.
Ende nuk dihet se kur do të lançohet Ruined King, por nuk do të na duhet të presim shumë përpara se ta mësojmë këtë gjë.