Zërat kanë filluar të qarkullojnë për GPU-në e re të Nvidia
Zërat kanë filluar të qarkullojnë për GPU-në e re të Nvidia
Gjenerata e re Ampere e GPU të Nvidia do të njoftohet së shpejti. Publiku është tashmë i njohur me emrin RTX 3080 Ti. Megjithatë, zërat e fundit thonë se GeForce RTX 3080 Ti mund të jetë 40% më e shpejtë se RTX 2080 Ti.
Këto leaks kanë disa specifika fantastike. Ndërkohë që HPC (High-Performance Computing) konfirmohet se do të përdorë node-in e TMSC, GPU-ja për konsumatorë do të bazohet tek node-i 10nm i Samsung.
Specifikat e bëra leak tregojnë 5 variante të Ampere në rend zbritës. Në majë, kemi GA102 me bus width prej 384-bit. Kjo kartë grafike ka 5376 CUDA Cores dhe 12GB VRAM. Poshtë saj kemi GA103 me 3840 CUDA Cores, bus-width prej 320-bit dhe 10GB VRAM.
Tre të fundit janë GA104, 106 dhe 107, me specifika më të ulëta se dy të parat. Vini re se GA105 ende nuk ekziston.
Të gjitha GPU-të do të prëdorin node-in 10nm 8LPP të Samsung dhe do të suportojnë RTX (ray-tracing). Një lajm i mirë është se dhe GPU-të e dobëta tashë do ta kenë këtë veçori.
Kjo na bën të llogarisim se GeForce RTX 3080 Ti me 5376 CUDA Cores do të performojë 40% më mirë se RTX 2080 Ti. Ky është një supozim i mirë nëse theksojmë diferencën midis versioneve të mëparshme si GTX 1080 Ti me 3584 CUDA Cores dhe 2080 Ti me 4352 CUDA Cores.
Gjenerata e parë e GPU-ve NVIDIA RTX përdornin arkitekturën Turing. Ampere premton një optimizim më të mirë dhe më shumë suport për ray-tracing me Nvidia TensorRT. Ampere gjithashtu do të shfrytëzojë PCIe 4.0, që lejon shpejtësi më të lartë për të njëjtin bandwidth.
RTX 3080 Ti mund të jetë në një nivel tërësisht tjetër me RTX 2080 Ti duke parë se ka 700 CUDA Cores më shumë. Nvidia mundet që gjithashtu të shtyjë edhe më tej clock speed për shkak të node-it të ri.