Rriten spekulimet për këtë datë lançimi të The Last of Us: Part 2

2019 mund të jetë një vit plot surpriza

Ky është një thashethem që thjesht nuk do të zhduket. The Last of Us: Part II do të lançohet këtë vit. Është sugjeruar se ky sequel nga Naughty Dog mund të jetë publikimi i madh i Sony për 2019n dhe bën kuptim kur e mendon në fakt. Përmes The Last of Us: Part II, Ghost of Tsushima dhe Death Stranding, kjo e para gjithmonë ka qenë si më e plotësuara e listimit. I shtojmë kësaj dhe faktin se ka burime të pafundme që thonë se loja do të vijë në 2019 dhe kemi praktikisht të ngulitur në kokë një ide që nuk na shqitet dot.

Tani kemi një retailer nga Peruja që ka reklamuar një datë lançimi për tetor të 2019s. E dimë se çfarë po mendoni, retailersat kanë një ves që i bëjnë leak datave dhe lojërave të reja të supozuara dhe në shumicën e rasteve këto leaks nuk na çojnë gjëkundi. Kjo mund të jetë edhe situata që ne kemi të bëjmë tani, por le të mos harrojmë që Sony së fundmi mbajti eventin Destination PlayStation, ku i prezanton retailersave dhe botuesve lojëra të reja. E gjithë kjo e bën të mundur që ky leak të jetë i vertetë.

Nuk mund të jemi të sigurtë për një datë fikse, por me kaq gjëra të dyshimta rreth lojës, probabiliteti është që diçka fshihet pas tyre.