Mode-i më i ri i League of Legends, Teamfight Tactics u lançua në një numër të madh serverash mbrëmë, por gjithsesi lojtarët po kuptojnë se nuk është edhe aq e thjeshtë që ta luajnë fenomenin më të fundit të Riot Games, me kohën e pritjes në rradhë, që kalon 60 minuta.
Një përfaqësues i Riot u shpreh mbrëmë në Twitter se janë përafërsisht në 25 minuta kohë pritjeje për rradhën e Teamfight Tactics, duke kërkuar në të njejtën kohë edhe ndjesë për lojtarët që duhet të presin kaq gjatë për të luajtur diçka që e kanë me kaq qejf.
Për ti vënë pak në perspektivë këto rradhë pritjeje, kohët mesatare të pritjes zakonisht zgjasin tre, maksimumi katër minuta. 25 minuta pastaj është thjesht absurde, por mesa duket kjo është vetëm maja e ajsbergut.
Në subreddit-in e Teamfight Tactics, lojtarët janë duke u ankuar për kohë pritjeje shumë më të gjata se 25 minuta, kur në disa raste duhet mbi një orë që të fillojë loja.
Siç është vënë re nga disa lojtarë, kjo situatë është shumë e ngjashme me betën e mbyllur të lojës. Që kur mode-i ishte në PBE kishte kohë të gjata pritjeje dhe një fluks të dendur lojtarësh që donin ta provonin. Imagjino tani që mode-i është live në lojë për të gjithë. Zhvilluesit në një pikë edhe sugjeruan se Teamfight Tactics po rrezikonte të thyente të gjithë serverin e Riot.
Gjithashtu, ka pasur probleme me Custom Games në League of Legends për shkak të mbingarkesës së serverave të Riot. Për këtë arsye, Riot Games ka ndaluar nisjen e lojërave Custom në qoftë se ato nuk zhvillohen 5v5 dhe gjithashtu ka ndaluar përdorimin e bots në këto lojëra. Practice Tool gjithashtu është hequr nga loja përkohësisht, mesa duket për të ulur akoma dhe më shumë ngarkesën në server.
Në këtë pikë thjesht duhet që Riot të rregullojë lojën e tij.