Roma nuk do të jetë në FIFA 21 pasi nënshkruan me Konami për PES

Skuadra italiane do të paraqitet vetëm në lojën e Konami për vitin e ardhshëm, e parashikohet për vitet në vazhdim, dhe nuk do të përfaqësohet në ekskluzivitetin rival, FIFA 21

Klubi i Seria A, Roma, ka njoftuar një marrëveshje ekskluzive me Konami, prodhuesit e serisë së lojërave Pro Evolution Soccer, gjë që do të thotë se ata nuk do të shfaqen në edicionin e ardhshëm për ekskluzivitetin kryesor rival, FIFA 21.

Emri, logoja dhe uniformat e Romës do të jenë ekskluzive për PES 2021, e cili është planifikuar të nisë më 15 Shtator. Stadiumi i tyre, Stadio Olimpico, do të shfaqet gjithashtu në lojën e krijuar nga kompania japoneze.

Marrëveshja, e cila u njoftua nga Roma në një deklaratë në faqen e tyre të internetit si një “partneritet ekskluziv afatgjatë”, nënkupton se mbështetësit e Giallorossi do të kenë vetëm një mundësi të ardhshme nëse duan të luajnë skuadrën e tyre të preferuar së bashku me të gjitha përfaqësimet e tyre (logo, uniforma dhe stadiumi).