Rockstar po përgatit një lojë AAA open-world VR

Në bashkëpunim me Video Games Deluxe.

Pas njoftimit të fundit se GTA V do të vijë në PlayStation 5 dhe thashethemeve të shumta për pasardhësen e saj, GTA VI, një lajm i ri po qarkullon se Rockstar Games është në bashkëpuim me Video Games Deluxe, për të sjellë një lojë AAA open-world VR në gjeneratat e reja të konsolave.

Lajmi u bë i ditur përmes një ad-i që kërkonte për staf. Video Games DEluxe u themelua nga drejtori krijues Brendan McNamara dhe ish anëtarët e Team Bondi, të cilët më parë kanë punuar në  LA Noire: The VR Case Files.

Posti, përtej kërkesës për staf, thotë se skuadra që mbaroi këtë lojë ka filluar zhvillimin në një projekt AAA open-world VR, në emër të Rockstar.Sipas tij 2020 është viti i shtatë që ai ka punuar së bashku me kompaninë, teksa në të njejtën kohë shprehu dhe entuziasëm për atë që po përgatisin.

Ende nuk dihet se çfarë projekti është ky, por në momentin që do të mësojmë më shumë informacione do ju njoftojmë.