Disa lojtarë të GTA Online, që po presin me padurim lojën e ardhshme të serisë së GTA, mendojnë se Rockstar mund të jetë duke testuar veçori për GTA 6 brenda GTA Online.
Sigurisht, në këtë fazë, kjo është e gjitha spekulim, por lojtarët kanë vërejtur dy karakteristika kryesore në lidhje me automjetet e shtuara në GTA Online që i bëjnë ata të mendojnë se është e gjitha një përgatitje për GTA 6.
Teoria thotë se që nga viti 2017, Rockstar ka bërë automjete gjithmonë e më të detajuara, veçanërisht interieri dhe përmirësimi i fizikës dhe shkatërrueshmërisë së tyre.
“Nëse kontrolloni brendësinë e makinave nga viti 2017 deri më tani, të gjitha ato janë shumë të hollësishme krahasuar me makinat që nga fillimi i lojës,” shkruan një fans. “Pra, kjo do të thotë që automjetet do të jenë shumë më të mira se GTA 5.”
Lojtari gjithashtu thotë se automjetet e reja të shtuara në GTA Online kanë engines shumë më të detajuar.
Por, nuk janë vetëm makinat që Rockstar mund të jetë duke testuar në GTA Online, në përgatitije për lojën e ardhshme. Teoria gjithashtu sugjeron se një stil më “jo-linear” misionesh është duke u përgatitur për GTA 6 dhe se Casino Heist në GTA Online mund të jetë shembulli i parë i kësaj.
Kjo nuk është hera e parë që lojtarët e GTA Online mendojnë se kanë hasur teasers dhe hints për GTA 6 në GTA Online, por mbetet të presim dhe të shohim nëse kjo teori është e vërtetë.