Përdoruesit në Reddit vërejtën se punonjësi i Rockstar, Emil Mujanovic, ka listuar projektet e tij të mëparëshme në profilin e tij në ArtStation.
Disa nga projektet e tij përfshijnë emra si Far Cry 5, The Division dhe një projekt ende i panjoftuar për Warner Bros. Games Montreal.
Gjithsesi, në krye të listës së tij ai vendos Senior Character Artist në Rockstar Games për një ‘projekt të panjoftuar’.
Sipas informacioneve të disponueshme, ai kishte filluar të punonte me projektin në shkurt të 2020s e deri në pikën ku ishte tani. Është interesante pasi ky projekt i Rockstar nuk listohet në profilin e tij të LinkedIn, por vetëm në porfilin e tij në ArtStation.
Ka mundësi që projekti në fjalë të jetë GTA 6, por asgjë nuk na e garanton dot këtë për momentin. Kjo nuk është as hera e parë që përsëritet një situatë e ngjashme me projekte të panjoftuar të Rocktar që punonjësit nuk mund t’i flasin hapur.
Rockstar ka qenë shumë i konservuar për GTA 6 dhe lojëra të tjera që mund të jetë duke zhvilluar. Për momentin dimë vetëm që do të presim një version të përmirësuar të GTA V për PS5 dhe Xbox Series X, me një version më vete të GTA Online.
Le të shpresojmë që nuk do të qëndrojmë injorantë edhe për shumë gjatë dhe që Rockstar të na informojë pak për projektet e tij të ardhshme.