Lançimi i Red Dead Redemption 2 në PC ka qënë shumë problematik
Lançimi i Red Dead Redemption 2 në PC ka qënë shumë problematik
Red Dead Redemption 2 erdhi në PC ditën e djeshme, por lojtarët kanë hasur në disa probleme me lojën. RDR2 ka pasur crash të shumëta, të cilat kanë bërë që loja të mbyllet papritur dhe të mos hapet fare. Rockstar ka lançuar një patch për ta rregulluar këtë problem në Rockstar Games Launcher, por ai nuk po i zgjidh problemet.
Në patch notes, publikuesi tha se ka rregulluar disa prej problemeve që prekën lojën pas lançimit. Këtu përfshihen probleme me lançimin e lojës dhe crash-et e saj.
Megjithatë, edhe pse Rockstar thotë që këto probleme janë rregulluar, lojtarë të tjerë thonë që problemet ende vazhdojnë. Disa prej tyre madje janë detyruar të rindërtojnë sërish kompjuterin e tyre dhe të instalojnë sërish Windows për të rregulluar lojën. Duhet të presim dhe të shohim nëse Rockstar do të sjellë update të tjera.