Premtimi i Rockstar për GTA është ajo çfarë ju nevojitej lojtarëve

Nëse mendoni se lidhet me GTA 6, na vjen keq t’ju zhënjejmë.

Pandemia e COVID-19 ka detyruar një numër të madh kompanish, jo vetëm në botën e gaming, që të punojnë nga shtëpia, në vend të hapësirave normale në zyra. Rockstar, CD Projekt Red e shumë kompani të tjera kanë marrë vendimin që të ndryshojnë mënyrën se si do të operojnë.

Tani që edhe shumë lojtarë po kalojnë më shumë kohë në shtëpi, kërkesat për gaming janë në rritje. Gjithsesi, Rockstar ka postuar një mesazh në mediat sociale në datë 17 mars, për të risiguruar lojtarët se puna po vazhdon sipas planit edhe me GTA Online edhe me Red Dead Online.

Deklarata zyrtare lexon: “Po bëjmë gjithçka që mundemi për tu siguruar që lojërat tona të operojnë në gjendje të mirë për ju, teksa po kalojmë më shumë kohë në shtëpi. Do të vazhdojmë të ruajmë programin tonë javor, ndaj qëndroni aktiv dhe prisni më shumë evente dhe aktivitete brenda GTA Online dhe Red Dead Online.”

Shumë fansa do të shpresojnë për një trailer të Grand Theft Auto 6 ose diçka që lidhet me një lojë të re të GTA. Gjithsesi, Rockstar ende nuk ka thënë asgjë për këtë, pavarësisht se ka një numër masiv të leaks, që sugjerojnë ardhjen e lojës.