Rockstar Games mund të zbulojë GTA 6 ose Bully 2 së shpejti

A është e mundur që Rockstar Games të zbulojë Grand Theft Auto VI ose Bully 2 së shpejti? Disa fansa shpresojnë se kjo e dhënë mund ta sugjerojë këtë. Në twitter, YouTuber-i i lojës Bully, TheNathanNS, vërejti se Rockstar Games kishte postuar një njoftim të ri pune për një video editor.

Në përshkrimin e punës kërkohej dikush që: “mund të komunikonte përmbajtien emocionale dhe entuziasmin e një loje brenda formatit 60 sekondësh.” Me fjalë të tjera Rockstar po kërkon për dikë që mund të bëjë një trailer të mirë. 

Ekziston mundësia që Rockstar Games thjesht të jetë duke kërkuar për një video editor dhe detajet në përshkrim të mos jenë kaq nënkuptuese, por fundja është puna e internetit ti stërhulumtojë gjërat.

TheNathanNS vë në dukje se kjo mund të jetë edhe thjesht për Red Dead Redemption 2, ose më saktë Red Dead Online. Plus pjesa “emocionale” nuk përshtatet shumë me idenë e Bully ose Grand Theft Auto. Gjithsesi, nuk mund ta dimë kurrë me siguri arsyen e këtij njoftimi, pa e dëgjuar nga vetë goja e Rockstar.

Për fatin tonë të keq, gjithçka që mund të bëjmë tani është të spekulojmë pyetjen e natyrshme. A po punëson Rockstar Games një video editor për të zbuluar lojën e tij të rradhës, apo thjesht për një trailer të Red Dead Online? Le të shpresojmë që përgjigjia e kësaj të jetë një lojë e re, sepse për të qenë realistë, ka ardhur koha.