Rockstar Games ka shpallur listat e pozicioneve të reja të punës për projektet e reja ende të pa prezantuara, të cilat kompania i ka përshkruar si të “gjeneratës së ardhshme”. Por, duket se ne nuk do të shohim asnjë prej këtyre projekteve deri sa të lançohet në treg një gjeneratë e re console-ësh.
Është vënë re punësimi i një artisti automjetesh, fakt i cili na bën të shpresojmë për GTA 6, gjithashtu Rockstar New York po kërkon një artist 3D për të ndërtuar ambjente të gjeneratës së ardhshme. Ndërsa Rockstar Toronto surprizon më shumë nga të gjithë, pasi po kërkon punonjës që kanë eksperienca në teknologjitë e gjeneratës së re.
Për fansat e Rockstar ose njerëzit që e njohin mirë procesin e krijimit të një loje ky nuk lajm ndoshta nuk ngjall interes, për vetë faktin se Rockstar merr kohën e vet në krijimin o lojërave. Thjeshtë duke parë se vazhdimi i Red Dead Redemption erdhi 10 vite më vonë, madje dhe versioni mulitplayer i Red Dead Redemption 2 nuk ka mbaruar ende së përpunuari.