Ekziston mundësia që Rockstar të ketë si prioritet multiplayer në lojën e ardhshme
Ekziston mundësia që Rockstar të ketë si prioritet multiplayer në lojën e ardhshme
Gjatë viteve të fundit, lojrat sa vijnë e fokusohen më shumë në online. Duke parë popullaritetin e multiplayer në krahasim me historinë e single-player, nuk do të ishte aspak çudi që Rockstar të përpiqej më shumë për të përmirësuar atë çfarë ata ofrojnë online.
Për këtë arsye, Rockstar të paktën do të mundohet më shumë për GTA 6 Online në krahasim me GTA 5. Ndër të tjera, GTA 5 u lançua pa asnjë pjesë online, çka u lançua 2 javë më vonë dhe ishte shumë e cunguar në krahasim me atë që ofrohet sot.
Pritet që GTA 6 të lançohet në gjeneratën e ardhshme të konsolave e ndërsa fansat janë entuziastë për këtë, me shumë siguri janë mode-t online ato për të cilat ata vërtet mezi po presin e ku lojtarët e GTA do të shpenzojnë më shumë nga koha e tyre.
Kur luan GTA Online, kupton fare lehtë se paraja është mbreti, çka është e vërtetë dhe për Rockstar. GTA 5 ka arritur të ketë fitime marramendëse që prej lançimit të lojës në tetor të 2013. Një vit më parë, në prill të 2018, llogaritet që fitimet e lojës të ishin 6 miliard dollarë. Duke parë se loja ka shitur rreth 90 milion kopje e duke e llogaritur me një çmim prej $45, atëhërë loja vetë ka arritur të fitojë 4 miliard dollarë. Ndërkohë, pjesa e mbetur prej 2 miliard dollarësh është fituar e gjitha nga GTA Online, shumë e cila rrallë arrihet nga videolojëra të plota, e jo më nga mode të tyre.
Ndërkohë, Rockstar ende vazhdon të nxjerrë update të reja për GTA Online e kjo nuk duket se do të ndalojë. Për këto arsye, fokusi i zhvilluesit pritet të zhvendoset drejt GTA 6 Online.
Në rastin më të keq, loja nuk do të lajmërohet, por shitjet e saj gjithsesi do të jenë shumë të larta. Në krahun tjetër, GTA 6 mbase mund t’ja kalojë dhe lojës paraardhëse në fitime. E vetmja gjë e sigurt është se GTA 6 do të shitet shumë. Kjo do të thotë se akoma dhe më shumë fitime do të vijnë nga GTA 6 Online. Mundësitë që Campaign i lojës të mos jetë brilant janë shumë të vogla, por duket qartë se mundi i tyre do të shkojë drejt Online.