Zhvilluesi i MMO së famshme Roblox, ka njoftuar se loja do të mbajë koncertin e saj të parë virtual, me rapper-in Lil Nas X. Koncerti virtual do të ketë skena me tematikën e Town Road dhe physically-based rendering. Kjo do të thotë që mund të shihni një avatar të Lil Nas X teksa ai performon në skenë.
Do të ketë një shfaqje të vogël para dhe më pas tre koncerte, ka njoftuar Roblox Corporation në një konferencë për shtyp. Pre-show do të fillojë në datë 13 nëntor në 09:00 PST / 14 nëntor në 00:00 GMT. Ajo gjithashtu do të ketë një seancë Q&A me Lil Nas X, si pamje të prapaskenave.
Koncerti kryesor pastaj do të fillojë në 14 nëntor në 13:00 PST / 21:00 GMT, ku Lil Nas X do të performojë këngën e tij të ardhshme: ‘Holiday’ live për herë të parë. Sigurisht përtej kësaj edhe këngë të tjera të njohura të tij.
Performaca e dytë është Asia Show, që do të fillojë në 14 nëntor në 22:00 PST / 15 nëntor në 06:00 GMT. Koncerti final është Europe Show, që do të jetë live në 15 nëntor në 09:00 PST / 17:00 GMT.
Do të duhet të keni një account aktiv të Roblox nëse doni të merrni pjesë në koncert. Vendi ku do e mbajnë koncertin do të ketë ca minigames dhe një dyqan virtual, që shet merch të Lil Nas X.