Beteja midis këtyre dy lojërave është më e nxehtë se kurrë
Beteja midis këtyre dy lojërave është më e nxehtë se kurrë
Roblox publikoi një deklaratë ku thotë se ka arritur mbi 100 milionë përdorues aktivë në muaj, duke pasur rreth 9 milionë përdorues më shumë se Minecraft. Për të festuar këtë arritje, zhvilluesi i lojës po jep falas për lojtarët një aksesor shpatullash të artë.
Me 91 milionë lojtarë, aventura krijuese e Microsoft nuk mbetet shumë mbrapa, por për shumicën e lojtarëve loja nuk ka të njëjtën tërheqje si dikur. Edhe pse një valë e re streamer-ash dhe YouTuber-ash i ka dhënë shumë vëmendje lojës (RIP Joergen), mungesa e update-ve të shpeshta dhe të mëdha në Minecraft vanilla i bën lojtarët të jenë më pak të emocionuar për lojën.
Megjithatë, pavarësisht kësaj, duket se loja ka ende rekordin si loja më e shitur e të gjitha kohërave. Roblox Corporation ende nuk ka zbuluar sa kopje totale të lojës ka shitur, ndërkohë që Mojang ka arritur mbi 176 milionë kopje.
“Kemi filluar me Roblox mbi një dekadë më parë me një vizion për të sjellë njerëz nga i gjithë globi së bashku për të luajtur,” tha themeluesi dhe CEO i studios David Baszucki në një deklaratë për shtyp. “Roblox nisi me vetëm 100 lojtarë dhe disa krijues të cilët inspironin njëri-tjetrin, duke hapur këtë pus kreativiteti, bashkëpunimi dhe imagjinate i cili vazhdon të rritet.”
Përveç numrit aktiv të lojtarëve, Roblox Corporation gjithashtu publikoi të dhënat mbi krijimin e personazheve dhe diversitetin e tyre. Ata thanë se 50% e lojtarëve e ndryshonin avatarin çdo muaj dhe gjysma e lojtarëve e bëjnë këtë gjë së bashku me miqtë e tyre. Ndërkohë, 40% e lojtareve të lojës janë femra dhe loja ka lojtarë nga mbi 200 vende të botës.
Padyshim që duhet marrë parasysh fakti se statistikat e Minecraft nuk janë të përditësuara. Edhe pse Microsoft padyshim që do të publikonte diçka nëse loja do të arrinte 100 milionë, vëmendja mbi lojën kohët e fundit do të thotë se loja padyshim nuk është larg kësaj shifre. Statistikat e ardhshme të publikuara padyshim që do të jenë interesante.