Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Shtesa më e re e Riot për League of Legends është Teamfight Tactics. Mode-i doli sot në PBE dhe është e mbushur me RNG.
Shumica e RNG e parë në Teamfight Tactics është e arsyeshme dhe të jep një balancim të mirë mes strategjisë dhe fatit. Sidoqoftë një aspekt i RNG është shumë i padrejtë dhe këto janë items-at.
Teksa hyjnë në një lojë, lojtarët hasen me të parën nga shumë faza të draftit, ku një set rastësor i champs-ave pozicionohen në qendër të hartës. Lojtarët më tej nxitojnë për të marrë champ-in e tyre, me shpresën që nuk do të kenë të njejtën preferencë si lojtarët e tjerë.
Më tej, në secilën rradhë, lojtarëve u jepet një set i rastësishëm i champ-eve që mund të blejnë dhe ta shtojnë në arsenal. Se kush nga champ-ët shfaqet është e gjitha çështje fati. Është në duart e lojtarit që të tregohen strategjikë në gjërat që do të përdorin.
Kjo është pika ku RNG i arsyeshëm përfundon. Aspekti strategjik i lojës vihet në kompromis nga mënyra se si items-at shpërndahen përgjatë lojës. Items fitohen në një nga dy mënyra. Fillimisht ato vijnë me champ-et gjatë fazave të draftit dhe më tej fitohen duke mposhtur kampet NPC në mes të raundeve.
Problemet dalin kryesisht në rastin e dytë. Kjo sepse spastrimi i kampeve NPC nuk të garanton një item drop për një armik të mposhtur. Përshembull, kur lojtarëtarrijnë në kampin e dytë, ata përballen me tre Krugs. Secili prej këtyre ka mundësinë të bëjë drop një item, ndaj një lojtar mund të mposhti tre Krugs dhe të përfundojë me zero items në xhep. Në të njejtën kohë një tjetër lojtar brenda të njejtës loje, mund të heqë qafe dy Krugs dhe të përfundojë me dy items.
Kjo nuk do të ishte ndonjë gjë e madhe, nëse items nuk do të ishin kaq pjesë kyçe e lojës, por ja që janë. Të paisurit dhe të kombinuarit e items shtojnë shumë bonuse, nga të cilat nuk mund thjesht të heqësh dorë. Kjo nuk e bën të drejtë përballjen mes dy lojtarëve, ku njëri mund të ketë patur fat më të mirë se tjetri.
RNG, sado që ka si qëllim ti bëjë gjërat më interesante, shpeshherë e bën lojën më pak kompetitive dhe më të padrejtë. Le të shpresojmë që Riot do të marrë ndonjë masë për këtë problem.
