Qëllimi i këtij projekti është t’i japë lojtarëve mundësi të eksplorojnë botën e Runeterra në një stil të ngjashëm me Diablo
Qëllimi i këtij projekti është t’i japë lojtarëve mundësi të eksplorojnë botën e Runeterra në një stil të ngjashëm me Diablo
Riot Games e nisi livestream-in për 10-vjetorin me një lajm shumë të madh. Pas 10 vitesh të mbushura me meme se si ata kanë vetëm një lojë, ata zbuluan një lojë me letra, një shooter dhe një lojë fighting brenda një nate.
Një ide e cila është ende në hapat e parë, me emrin e koduar Project F, u duk sikur humbi pak midis zhurmës së këtyre projekteve të tjera. Për shumë kohë, ka pasur zëra për një League of Legends MMO nga Riot. Duke parë historinë e gjërë të League of Legends si dhe bashkëpunimin me Marvel, duket se këto zëra tashmë janë vërtetuar.
Në një teaser të shkurtër gjatë livestream-it të 10-vjetorit, Riot zbuloi se si një MMO do të dukej. Në këtë fragment, Blitzcrank, Ezreal dhe Lux po luftojnë në një urë në një ambient tjetër nga League of Legends.
Project F është ende në faza shumë të hershme dhe eksploron mundësitë e një udhëtimi në botën e Runeterra me miqtë, sipas Riot. Fakti që këto janë të vetmet detaje tregon se ky është projekti më pak i zhvilluar nga ana e Riot. Duke marrë parasysh se loja fighting nuk është aspak afër fazës Alpha, ka mundësi që MMO-ja të vijë dhe pas 2021.
Megjithatë, fakti se Riot e ka marrë përsipër këtë projekt është diçka mjaft e madhe. Për shumë e shumë vite para League of Legends, tregu i MMO ka qënë i dominuar nga World of Warcraft. Riot duhet të mendojë me kujdes situatën dhe të krijojë një produkt kompetitiv i cili i ofron lojtarëve të League of Legends një eksperiencë sa më të mirë.