Volibear është thuajse gati për t’u luajtur
Volibear është thuajse gati për t’u luajtur
Për fansat e Volibear në League of Legends, më në fund ka lajme të mira. Riot Games tha se rework-u i kampionit është në kohë dhe se ai është i balancuar. Zhvilluesit, megjithatë, po i japin prioritet rework-ut të Fiddlesticks në këto momente.
Në këtë kohë, ekipi po punon me efektet vizuale, efektet zanore dhe animimet, të cilat duhet të duken fantastike në kohën e lançimit. Në fillim të vitit, Riot zbuloi një teaser se si ai do të dukej.
Ekipi gjithashtu foli se çfarë lloj kampioni do të jetë Volibear kur të lançohet. Dizenjuesi i kampionit Nathan “Lutzburg” Lutz shpjegoi disa mundësi për një build AP bruiser, rune-t që duhen zgjedhur dhe detaje të tjera që do t’i japin një eksperiencë të mirë lojtarëve të Volibear.
Nëse keni frikë se Volibear do të ndryshojë shumë, mos u shqetësoni, pasi Lutzburg thotë se shumë elemente dhe mekanika nga aftësitë e tanishme të Volibear do të rikthehen në aftësitë e reja.
Fushata e marketingut për Volibear vetëm tani ka nisur, prandaj do të na duhet të presim edhe pak për të zbuluar më shumë rreth rework-ut, pamjes dhe tematikës së kampionit.