Riot mund të sjelli bans nga Valorant dhe në lojërat e tjera

Ban-i në Valorant mesa duket mund të vlejë edhe në League of Legends

Valorant padyshim që i ka sulmuar cheaters dhe hackers që prej fillimit me sistemin e tyre anti-cheat, Vanguard. Riot Games deklaroi se kishte bërë ban thuajse 9,000 lojtarë deri më tani në closed beta dhe tani ata duket se po kërkojnë për mënyra të tjera për të ndërshkuar lojtarët. Një prej tyre është edhe bërja ban nga League of Legends dhe Legends of Runeterra nëse bëhesh ban në Valorant.

Sipas Riot, këto “Soulbans” – të cilat janë thjesht hardware bans – do t’i ndalojnë lojtarët të luajnë Valorant nga hardware specifik. Këto bans vlejnë vetëm për Valorant, por mesa duket ekzistojnë plane që ato të vijnë edhe në League of Legends dhe Legends of Runeterra.

Philip “mirageofpenguins” Koskinas gjithashtu tha se cheaters në Valorant do t’iu jepet një mundësi e dytë kur loja të lançohet zyrtarisht. Megjithatë, ata duhet të hapin një llogari të re për të përfituar nga kjo falje.

Deri më tani, Vanguard mbahet si një prej anti-cheats më të mirë, por shumë lojtarë janë ankuar për faktin se ai rrezikon privatësinë e lojtarëve edhe kur ata nuk janë duke luajtur. Riot gjithashtu ka në plan të sjellë një sistem anti-cheat si Overwatch i CS:GO. Megjithatë, nëse luani LoL ose LoR, tani keni një arsye më shumë për të mos bërë cheat në Valorant.