Zbulohet një pamje më e qartë e tij, si dhe animimi i E-së
Zbulohet një pamje më e qartë e tij, si dhe animimi i E-së
Riot i dha lojtarëve të League of Legends ditën e djeshme pamjen e parë të rework-ut të Volibear. Pasi ai dhe Fiddlesticks fituan votimet vitin e kaluar për t’u bërë rework, Riot më në fund postoi dje në dev blog modelin e Volibear në lojë, si dhe i dha lojtarëve më shumë informacion mbi procesin e krijimit të tij.
Volibear i ri duket pikërisht ashtu siç duhet të duket një zot ari. Ai qëndron zakonisht në këmbë, ndërkohë që kur duhet të ndjekë armiqtë ai vrapon me të kartra këmbët.
Për sa i përket aftësive të tij, Riot ende nuk ka zbuluar asgjë specifike, por sipas tyre, aftësitë e reja të Volibear do të jenë thjesht një version modern i aftësive të tij të tanishme. Sipas Lutzburg, Volibear sërish do të vrapojë me 4 këmbë dhe do të kapë një kundërshtar, sërish do të ketë shumë attack speed dhe do të ketë sulme me rrufe dhe sërish do të kafshojë kundërshtarët.
Edhe pse detajet e aftësive të Volibear ende mebeten të pazbuluara, Riot zbuloi animimet e E-së së re të tij, e cila ka disa animime përpara se të lëshojë në tokë një krater.
Lojtarëve gjithashtu iu dha mundësia të shikonin se si do të dukej skin-i Northern Storm Volibear. Riot gjithashtu foli edhe për Thousand Pierced Volibear, skin-in falas që do të marrin lojtarët kur kampioni të lançohet.
Riot ende nuk ka dhënë një datë lançimi për rework-un e Volibear, por zhvilluesit dhanë shenja se ai pritet të vijë së shpejti.