Tre champions marrin një makeover me tematikë mjekësore
Tre champions marrin një makeover me tematikë mjekësore
Disa nga personazhet më të njohur të League of Legends po marrin një makeover me temë mjekësore. Zhvilluesi i saj Riot zbuloi një iniciativë të re që përfshin një linjë të cosmetics për lojën, shitjet e së cilës do të dhurohen për përpjekje bamirësie të lidhura me pandeminë. Lista përfshin skins për tre personazhe, Akali, Shen dhe Kennen, së bashku me ikona të ndryshme, emotes dhe përditësime të tjera kozmetike. Çdo artikull do të shitet individualisht, por ka edhe një pako në dispozicion që vjen me një ikonë ekskluzive.
Riot thotë se artikujt do të jenë në dispozicion deri më 23 korrik dhe se 100 përqind e të ardhurave nga shitjet do të shkojnë drejtpërdrejt në fondin bamirës të zhvilluesit, Riot Games Social Impact Fund. “Dhurimet tuaja do të mbështesin drejtpërdrejt luftën kundër pandemisë duke u dhënë mjekëve, infermierëve dhe punonjësve të tjerë të vijës së parë të burimeve të nevojshme për të vepruar shpejt dhe për të mbrojtur ata më të prekurit”, tha Riot në një deklaratë. “Paratë e mbledhura gjithashtu do të ofrojnë ndihmë kritike financiare për familjet dhe individët që janë ndikuar negativisht nga virusi.”
Zhvilluesi zhvilloi më parë një stream bamirës 48-orësh të League of Legends për të ndihmuar përpjekjet e COVID-19, dhe thotë se, deri më sot, ata kanë dhuruar 4,5 milion dollarë për kauzën.