Tani që po punojnë nga shtëpia, zhvilluesit folën për planet e së ardhmes
Tani që po punojnë nga shtëpia, zhvilluesit folën për planet e së ardhmes
Gjatë festimeve të 10 vjetorit të League of Legends, Riot Games tha se kishin plane të mëdha për 2020, duke nisur nga lançimi i Valorant, por edhe më shumë. Megjithatë, për shkak të pandemisë së coronavirus, lojtarët kanë qënë të shqetësuar rreth këtyre planeve, prandaj zhvilluesit postuan një video ku detajonin se çfarë lojtarët duhet të presin nga ata.
Shumë lojëra kanë parë një rritje të numrit të lojtarëve tani që shumë njerëz janë karantinuar në mbarë botën. Si zhvillues i një prej lojërave më të mëdha në të gjithë botën, producenti i League of Legends Joe ‘New001’ Tung shpjegoi se çfarë i pret lojtarëve gjatë këtyre kohëve të pasigurta.
Ai zbuloi se punonjësit e Riot tashmë po punojnë nga shtëpia, por nuk ishin të sigurt nëse do të arrinin të gjitha pritshmëritë. Megjithatë, ai i siguroi lojtarët se Riot do të bënte më të mirën për ta provuar.
Edhe pse nuk foli me detaje, Joe zbuloi se kishte pasiguri në lidhje me ardhjen e veçorive të reja.
Edhe pse fillimisht u shtynë të gjitha eventet dhe ligat e League of Legends, ai shtoi gjithashtu se po punohet për të gjetur mënyra alternative për t’i rinisur këto liga dhe evente. Joe gjithashtu zbuloi se Riot Games ka dhuruar mbi $3.5 milionë për pajisje mjekësore për të ndihmuar me zgjidhjen e krizës, si dhe po kërkon për mënyra të tjera për të mbështetur.