Riot dëshiron që lojtarët të kenë më shumë kontroll mbi anti-cheat
Riot dëshiron që lojtarët të kenë më shumë kontroll mbi anti-cheat
Ka patur mjaft polemika rreth sistemit anti-cheat të Valorant, Vanguard, që prej lançimit të lojës në closed beta. Zhvilluesi Riot Games ka zbuluar arsyet pse anti-cheat nis të punojë që kur sistemi ndizet dhe tani i ka thënë lojtarëve se një update i ardhshëm ka si qëllim ta bëjë atë më të dukshëm dhe t’i japë lojtarëve më shumë kontroll mbi të.
Inxhinieri i software-it në sigurinë e lojërave Nemanja “0xNemi” Mulasmajic postoi për ndryshimet e ardhshme të Vanguard në subreddit-in e Valorant, duke thënë se ky update do të shtojë një ikonë në system tray, e cila tregon se kur Vanguard është duke punuar. Më poshtë mund të shihni një pamje të ikonës.
Zhvilluesi shpjegon se kjo ikonë i jep mundësi lojtarëve ta fikin Vanguard kur ata të dëshirojnë. Megjithatë, fikja e anti-cheat do e vendoste PC-në tuaj në “untrusted mode“, pra do i ndalonte lojtarët nga luajtja e Valorant derisa ata ta ndezin anti-cheat sërish.
0xNemi gjithashtu tha se nëse doni që anti-cheat të mos ndizet, lojtarët mund ta çinstalojnë atë nëpërmjet ikonës derisa të duanë të luajnë sërish Valorant. Nëse ju nuk doni ta shikoni ikonën, ju gjithashtu mund ta bëni atë disable.
Zhvilluesi gjithashtu iu përgjigj disa pyetjeve kryesore rreth anti-cheat-it të Valorant, duke thënë se qëllimi i tij është ta vështirësojë sa më shumë cheating në lojë, por duke i dhënë Riot mundësi të gjejë edhe cheats të cilët arrijnë ta tejkalojnë sistemin. Sipas tij, është e pamundur që cheating të ndalohet plotësisht, por qëllimi është të ngrihet një pengesë, në mënyrë që cheating mos të jetë diçka e zakonshme në Valorant.
Ky update pritet të vijë sot.