Fansat Europianë të League of Legends kanë patur disa probleme të vazhdueshme përgjatë muajve të fundit, por tani komuniteti ka marrë lajme të mira.
French Riot Support shpjegoi sot se kompania ka bashkëpunuar me Internet Service Providers (ISP) për të rregulluar problemet e mëdha të spike-ut të pingut gjatë orëve të ngarkuara të lojës.
En collaboration avec les FAI, nous avons fait des changements hier qui devraient corriger la majorité des soucis de latence durant les pics de connexions.
— Riot Support FR (@RiotSupportFR) March 31, 2020
Les FAI restant tout de même sous pression, nous allons continuer de surveiller et corriger ce que l'on peut 😊
“Në bashkëpunim me ISP, bëmë ndryshime dje të cilat duhet të rregullojnë shumicën e problemeve të vonesave gjatë ngarkesave të rrjetit.”
Teksa lajmi është padyshim premtues, kreu i gameplay-it në Riot Jeremy “Brightmoon” Lee i këshilloi fansat që të mos i rrisnin shumë shpresat. “Interneti në EU është ende i mbingarkuar, ndaj situata nuk është plotësisht e zgjidhur,” u shpreh ai.
Gjithsesi ky duhet të vijë si lajm i mirë për lojtarët Europianë të cilët janë përballur me probleme të serverave dhe deri në një javë vonesë të lançimit zyrtar të Clash. Serverat EUW specifikisht bënë crash disa herë këtë muaj.
Pavarësisht ndryshimeve të përmendura, disa lojtarë ende po ankohen për ping të lartë. Sado që është e qartë se Riot po përpiqet ta rregullojë problemin, zgjidhja e plotë nuk ka ardhur ende për lojtarët Europianë.