Lojtarët e Lux nuk mund të hapin menjëherë E pas Ultimate
Lojtarët e Lux nuk mund të hapin menjëherë E pas Ultimate
Lux mesa duket ka marrë një nerf të papritur në patch-in e fundit të League of Legends. Kampionit i është hequr një prej mekanikave kryesore të saj, duke konfuzuar shumë lojtarët. Lux ka qënë gjithmonë mjaft popullore për shkak se është e thjeshtë për t’u luajtur dhe mund të përdoret nga kushdo nga Iron në Challenger.
Një prej kombove standarte të Lux është përdorimi i E dhe pastaj Ultimate përpara se të plasësh E sërish. Kjo e aktivizon dy herë pasiven e saj, duke bërë që ajo të bëjë shumë damage. Por, duke nisur nga ky patch, lojtarët nuk mund ta bëjnë më këtë gjë. E njëjta gjë ndodh edhe me Q dhe W e saj, pasi edhe kur i përdor këto aftësi, Lux nuk mund të plasë E-në e saj.
Riot August ka pranuar gjatë një prej streams të tij se ky është një bug dhe shpreson që ai të rregullohet në patch-in e ardhshëm. Në patch notes u tha vetëm se E-ja e Lux kishte marrë ndryshime të vogla, duke shtuar një timer që tregon se sa kohë ke për ta përdorur sërish aftësinë, por asgjë në lidhje me këtë bug.
Sipas OP.GG, Lux ka momentalisht 46.79% win rate, duke qënë në vendin e fundit në renditjen e faqes. Ajo ka kohë që nuk luhet në ndeshje profesioniste dhe mund të thuhet se mbase duhet që ajo të bëhet buff, por ky bug është padyshim një nerf i madh.