Riot Games zbulon ndryshime të mëdha në hartën e League of Legends

Dragonjtë do të jenë më të rëndësishëm se kurrë

Nëse i keni ndjekur lajmet e fundit, padyshim që e dini që Riot Games kishte në plan të sillte ndryshime të mëdha në League of Legends përpara Season 10 të lojës.

Një prej ndryshimeve më të mëdha është se pre-season-i i ardhshëm do të quhet Rise of the Elementals dhe do të sjellë shumë ndryshime në Summoner’s Rift.

Sistemi i ri Elemental Rift do të ndryshojë mënyrën se si lojtarët lëvizin në hartë kur ekipet marrin dragonj të ndryshëm në lojë. Kur një ekip vret një dragua, elementi i tij fillon të ndryshojë hartën në mënyrë të përhershme

Secili Elemental Rift do të ndikojë në teamfights, rotations, vision, health dhe më shumë. Për shëmbull, Infernal Dragon shkatërron disa mure në lojë dhe djeg disa shkurre.

Mountain Dragon do të krijojë terren të ri në hartë, ndërsa Ocean Dragon do t’i bëjë shkurret më të mëdha dhe do të shtojë më shumë honeyfruit plants në lojë. Cloud Dragon do të ndryshojë disa rrugë dhe do t’i kthejë në tunele ere, të cilat do t’i lejojnë lojtarët të lëvizin më shpejt në hartë.

Ndërkohë Elder Dragon e bën shumë të fuqishëm në late game ekipin që e vret atë. Për shëmbull, dragoi tani i jep një execute ekipit që e vret, duke vrarë menjëherë kundërshtarët poshtë një niveli të caktuar jetësh.

Ndryshime më të vogla në hartë janë disa shtesa të vogla në top dhe bottom, si dhe disa shkurre të reja pranë hyrjes tek blue buff. Më shumë informacion do të zbulohet në një postim të mëvonshëm nga Riot, ku do të detajohet çdo ndryshim për 2020.