Kompania thotë se i mirëkupton punonjësit që do dalin për të protestuar.
Kompania thotë se i mirëkupton punonjësit që do dalin për të protestuar.
Riot Games ka publikuar një deklaratë si reagim ndaj protestës që punëtorët e tij kanë vendosur të bëjnë ditën e hënë të datës 6 maj. Protesta lidhet me sjellien që kompania ka ndaj punëtorëve, duke përfshirë këtu pakënaqësi prej ngacmimeve seksuale dhe diskriminimit gjinor. Në deklaratën e saj, Riot pranon se protesta është e planifikuar dhe thotë se e kupton dhe e respekton dëshirën që punonjësit kanë për të.., epo le të themi për të kërkuar të drejtat e tyre.
E gjithë kjo ardhur si pasojë artikullit bombastik të Kotaku para disa muajsh, ku ekspozohetj kultura e seksizmit që ndiqej në atë kompani. Ishte pikërisht ky raportim që i nxiti punonjësit të ngrinin padi kundrejt Riot.
Riot më tej detyroi dy nga këto padi drejt arbitrazhit dhe kjo e fundit ishte benzina që e ndezi edhe më shumë zjarrin. Sipas Riot, kushtet e arbitrazhit ju japin të dyja palëve të konfliktuara të drejtën që të bien dakord mbi një arbitër. Asgjë nuk bëhet konkrete pa u rregulluar kjo pjesë.
Riot e mbylli duke thënë se teknika e arbitrazhit do të vijojë për punonjësit me çështjet e tanishme, por se punonjësit e ardhshëm do të kenë mundësinë të mos i nënshtrohen arbitrazhit.