Riot Games ka konfirmuar se po punon për një lojë fighting

Themeluesi i Radiant Entertainment, studios në pronësi të Riot Games, e konfirmon zyrtarisht

Riot Games ka konfirmuar se po punon për një lojë fighting, sipas një deklarate nga themeluesi i Evo Tom Cannon. Cannon u shfaq në hapjen e eventit të lojërave fighting dhe foli me komentatorët për ndeshjet e kësaj fundjave para se të thoshte si ai dhe ekipi i tij po punojnë për një lojë fighting me zhvilluesin e League of Legends. Përveç lojës së tavolinës Mechs vs. Minions, kjo do të jetë loja e parë për Riot Games përveç League of Legends.

Klipi i mëposhtëm nga stream-i në Twitch po bën xhiron e botës dhe tregon Cannon teksa konfirmon projektin përpara nisjes së eventit. Cannon gjithashtu e quajti lojën “sekretin më të keq” përpara se të konfirmonte ekzistencën e saj.

Cannon është gjithashtu një prej themeluesëve të Radiant Entertainment, një zhvillues videolojërash i cili ka krijuar Stonehearth dhe më pas ka punuar për lojën fighting Rising Thunder. Në 2016 u lajmërua se Radiant ishte tashmë në pronësi të Riot Games. Zhvillimi i Rising Thunder u anullua pasi disa njerëz patën mundësi ta luajnë në fazat e para.

Që prej asaj kohe, ka pasur spekulime se Riot ka marrë në pronësi Radiant për ta ndihmuar të zhvillojë një lojë fighting. Përpara kësaj deklarate, nuk kishte asgjë përveç zërave të ndryshëm, por tashmë duket se teoritë janë të vërteta.

Cannon tha gjatë këtij livestream-i se lajme mbi lojën do të publikoheshin më vonë, pasi ekipi kishte ende shumë punë për të bërë. Riot gjithashtu i pohoi këto zëra dhe konfirmoi se loja është në zhvillim, por ende duhet shumë kohë përpara se loja të jetë gati.

“Riot Games është i lumtur të lajmërojë se po punon për një lojë fighting. E kemi kuptuar impaktin që ky zhanër ka mbi lojtarët dhe duam të sjellim eksperiencën e fighting tek më shumë njerëz. Po punojmë fort që të krijojmë një lojë që të ketë vërtet vlerë për komunitetin e lojërave fighting dhe po bëjmë progres, por duhet ende shumë kohë dhe punë përpara se loja të jetë gati.”