Riot qartëson gjithçka në lidhje me situatën
Riot qartëson gjithçka në lidhje me situatën
Lojtarët e League of Legends kanë akuzuar Riot për censurim në Worlds 2019 në lidhje me protestat në Hong Kong. Tashmë, kompania ka dhënë një deklaratë zyrtare për të qartësuar sitautën.
Blizzard bëri ban lojtarin profesionist të Hearthstone Chung “Blitzchung” Ng Wai për komentet e tij në mbështetje të protestave në Hong Kong në 8 tetor, e cila ndezi një stuhi kritikash dhe polemikash mes fansave.
Tashmë që po zhvillohet turnamenti më i madh i vitit në League of Legends, fansat filluan të pyesnin veten nëse Riot Games, që janë në pronësi të gjigandit Tencent, po censuronin komentatorët në transmetim për të shmangur një situatë të tillë.
Përveç spekulimeve në rrjetet sociale, nuk kishte fakte të forta që Riot po censuronte transmetimin e Worlds 2019 për të shmangur thënien e Hong Kong. Megjithatë, fansat vunë re se komentatorët përdornin HKA në vend të Hong Kong Attitude kur flisnin për ekipin dhe gjithashtu vunë në dukje faktin se asnjë prej lojtarëve të ekipit nuk u intervistua pas fitores ndaj ekipit argjentinas Isurus Gaming 3-1.
Pak pasi spekulimet filluan në Reddit, drejtori i komunikimeve të LoL Ryan Rigney dha qëndrimin e Riot në lidhje me situatën dhe mënyrën se si ata kishin folur për Hong Kong Attitude në transmetim. Ai tha se ata përdorin si emrin e plotë ashtu dhe shkurtimin për të gjitha ekipet vazhdimisht. Gjithashtu, ai tha qartë se askujt nuk i është thënë të mos thotë Hong Kong dhe se ka pasur konfuzime të brendshme të cilat do të qartësohen.
To make this as explicit as possible, we aren't telling anyone to avoid saying "hong kong." We'd just rather the team be referred to by its full name. There's been some confusion internally about this as well and we're working to correct it.
— Ryan Rigney (@RKRigney) October 9, 2019
Deklarata dukej se i përgjigjet pyetjes në lidhje me përdorimin e HKA në vend të Hong Kong Attitude, por nuk jepte përgjigje në lidhje me mungesën e intervistës pas fitores ditën e mërkurë. Rigney tha se shumica e intervistave janë të regjistruara paraprakisht për arsye të ndryshme
Yep, I asked one of our broadcast guys about this. A majority of our interviews on any given broadcast day are pre-recorded. Sometimes we do it when we want to be thoughtful about the message we're broadcasting (like in this case). Sometimes it's just because it's convenient.
— Ryan Rigney (@RKRigney) October 9, 2019
Pavarësisht polemikave, League of Legends Worlds 2019 tashmë ka hyrë në fazën e grupeve dhe fansat janë entuziastë të shohin se kush do të shpallet kampion i këtij Worlds.