Tashmë mbetet që marrëveshja të aprovohet nga gjykata.
Tashmë mbetet që marrëveshja të aprovohet nga gjykata.
Zhvilluesi i League of Legends, Riot Games, ka rënë dakord të paguajë të paktën $10 milionë punonjësve femra, si dëmshpërblim në një padi të ngritur rreth diskriminimit gjinor. Kjo marrëveshje është mbështetur nga paditësit dhe i pandehuri, por ende mbetet që të konfirmohet nga gjykata.
Çështja ligjore e pati gjenezën e saj kur dy femra, një prej të cilave në atë kohë ende punonte te Riot, ngritën një padi grupale në nëntor të 2018s, me akuzën se femrave në Riot Games “ju mohohej paga e barabartë” dhe “ju cënohej karriera sepse ishin femra.”
Riot zbuloi në gusht se të dyja palët kishin arritur në një marrëveshje, por kompania miliarda dollarëshme, nuk dha detaje për shumën në fjalë. Dokumentat ligjore të dorëzuara së fundmi, lënë të kuptohet se të paktën 1,000 femra të vetë identifikuara të përfshira në këtë çështje ligjore do të merrnin një pjesë të shumës monetare të marrëveshjes, me punonjëset me kohë të plotë që do të përfitonin më shumë se të tjerat.
Kur e njoftoi këtë marrëveshje në gusht Riot tha se: “besonte se ishte në pozita për të kërkuar gjyq”, por se “deklarata më e fortë që mund të bënte ishte që të qëndronte i përgatitur për të bërë gjithçka për ta hedhur situatën pas krahëve.”
Në maj, punonjësit e Riot dolën në protestë, pasi kompania çoi një nga paditë në arbitrazh. Riot tha se e mbështeste lëvizjen e punonjësve, por se do të vazhdonte të ruante politikat e tij ndaj çështjeve aktive ligjore.