Këto janë vetëm disa prej surprizave që Riot do të sjellë për 10-vjetorin e League of Legends
Këto janë vetëm disa prej surprizave që Riot do të sjellë për 10-vjetorin e League of Legends
League of Legends po feston sot 10-vjetorin dhe Riot do ta festojë këtë ditë me shumë aktivitete dhe streams që do të përfundojnë me një Riot Pls live, një vlog i cili tregon atë që pritet të vijë në League of Legends.
Fansat kanë kohë që spekulojnë në lidhje me atë që pritet të vijë në livestream-in e 10-vjetorit, që pritet të zbulojë disa projekte të mëdha që do vijnë dhe sipas Rod “Slasher” Breslau, një prej këtyre lajmërimeve do të ketë lidhje me një lojë me letra dixhitale të quajtur “Legends of Runeterra“.
Edhe pse detajet ende nuk dihen, emri i lojës, që i referohet botës ku ndodh League of Legends, sugjeron se loja do të jetë ekuivalenti i League of Legends për Hearthstone, lojën me letra të Blizzard të bazuar tek universi i World of Warcraft.
Përveç kësaj, Slasher zbuloi se Riot do të tregojë se po punojnë për një anime të zhvilluar në universin e League of Legends.
Riot ka krijuar një univers mjaft të gjërë për League of Legends, me Runeterra që ka disa vende dhe klane të ndryshme dhe secili prej 145 kampionëve ka historinë e tyre të veçantë.
Duke marrë parasysh se League of Legends nuk ka një histori tamam brenda lojës, mundësitë që lojtarët të eksplorojnë më shumë rreth botës dhe personazheve janë të limituara, dhe edhe pse Riot ka krijuar disa histori, përfshirë këtu dhe një comic me Marvel, një anime mund t’i japë një mënyrë tjetër lojtarëve për të eksploruar universin e League of Legends.
Riot Games gjithashtu thuhet se po punon për një lojë fighting, detajet e të cilës fansat presin që të zbulohen në këtë livestream. Megjithatë, nuk dihet nëse kjo do të ndodhë.