Riot do të rikthejë limited time modes në League of Legends

Studio mendon se eventet e fundit të lojës janë bërë të mërzitshme

Duket se zhvilluesi i League of Legends Riot Games ka ndryshuar mendim kur vjen puna tek limited time modes. Në një postim të ri Ask Riot, drejtori i dizajnit Justin ‘Xenogenic’ Hanson tha se studio ka vënë re se eventet në lojë janë bërë të mërzitshme gjatë muajve të fundit.

Më herët këtë vit, pas lançimit të suksesshëm të Teamfight Tactics, Riot i tha fansave se do të prodhonte më pak limited-time modes në të ardhmen, pasi interesi i lojtarëve shpesh humbiste pak pas lançimit të tyre. Ndërkohë, fokusi i Riot do të zhvendosej drejt investimeve më afatgjatë siç janë autobattler-i i sipërpërmenduri dhe mode tashmë i braktisur Nexus Blitz. Si rezultat i kësaj, këtë vit në eventet Star Guardians dhe Project nuk u kthyen modet e tyre respektive Invasion dhe Overcharge.

Ky vendim padyshim që i mërziti disa fansa të cilët donin mënyra të tjera për të qënë pjesë e botës së League of Legends. Në postimin Ask Riot, një lojtar thoshte se “eventet sa vijnë e po bëhen më pak kualitative” dhe se “eksperienca e lojës nuk i sjell asgjë lojtarëve të rinj”, duke pyetur nëse Riot po planifikon “evente më të rëndësishme dhe më interesante për lojtarët“.

Për t’iu përgjigjur kësaj pyetjeje, Xenogenic tha: “E kam dëgjuar shpesh këtë përshtypje dhe jam përzemërsisht dakort, pasi eventet janë bërë më të mërzitshme këtë vit. Ne duam që çdo event të jetë një eksperiencë unike për të cilën të gjithë lojtarët të jenë entuziastë, prandaj dhe qëllimi ynë në të ardhmen është ta bëjmë pjesëmarrjen në evente më shpërblyese, më të re dhe që ja vlen të mbahet mend.”

Xenogenic nuk dha detaje specifike se si do të dukeshin këto ndryshime, por ai zbuloi një ide më të përgjithshme mbi planet në të ardhmen. Lojtarët do të kenë më shumë variatet në misionet e tyre, në mënyrë që objektivat mos të ndihen të përsëritur dhe gjithashtu këto misione do të lidhen në mënyrë më interesante më eventet. Më e rëndësishmja megjithatë është fakti që Xenogenic konfirmoi se game mode të reja dhe të vjetra do të rikthehen gjatë eventeve.

Tashmë është shumë vonë për eventet Project dhe Star Guardian këtë vit, por mesa duket do të fillojmë t’i shikojmë këto ndryshme me hapa të vogla gjatë Worlds.