Riot zbulon një shpërblim ekskluziv të Valorant për shikuesit e Twitch

Keni qenë duke shikuar me zell Valorant në Twitch për të provuar të merrni një beta key? Epo, do të shpërbleheni për përpjekjet tuaja edhe nëse ende nuk keni marrë akses në beta

E vetmja mënyrë me të cilën lojtarët kanë arritur të kenë akses në beta Valorant është përmes Twitch drops. Së pari, ajo ishte vetëm për streamers. Tani, mund të shikoni pothuajse të gjithë në platformë (përfshirë ne) dhe të keni një shans për të provuar free-to-play shooter-in e Riot.

Riot ka qenë duke vëzhguar se sa popullor ka qenë Valorant në platformë, dhe po kërkon të shpërblejë ata që janë përkushtuar dhe kanë shpenzuar orë të tëra duke pritur për akses, ose thjesht duke shijuar streamers-at e tyre të preferuar duke luajtur lojën e re FPS.

“Si një faleminderim për të gjithë interesin tuaj për closed beta të Valorant dhe për t’u bashkuar me komunitetin e Twitch, ne kemi një dhuratë të vogël”, thanë zhvilluesit dje. Çfarë do të marrin lojtarët? Një “kartë lojtari ekskluziv” që paraqet Brimstone duke përshëndetur në sfond, dhe logon Twitch në plan të parë. Është një gjest i vogël, por mjaft i këndshëm.

Nëse doni të merrni një të tillë për veten tuaj, por nuk jeni në closed beta, mos u stresoni. “Edhe nëse nuk hyni, kjo do të jetë në llogarinë tuaj në lançim.” Karta e lojtarit vjen me kushte gjithsesi. Duhet të shikoni dy orë Valorant në Twitch për të pasur të drejtën për ta marrë atë.

Është e paqartë nëse lojtarët të cilët nuk kishin arritur dy orë kohë shikimi do të jenë të pranueshëm në të ardhmen.  Sidoqoftë, përveç kësaj, është e juaja. Do të shkojë në llogarinë Riot të lidhur me llogarinë tuaj Twitch, dhe do të keni mundësi ta përdorni atë kur të bëni log-in në faqen tjetër, ose kur të merrni më në fund akses, qoftë ai në beta, ose më vonë.