Riot dhe Marvel vijnë me një tjetër kryevepër
Riot dhe Marvel vijnë me një tjetër kryevepër
Riot Games e ka fiksim të futet thellë në historinë e një loje. Gjë kjo që e bëri mjaft emocionues njoftimin e bashkëpunimit të tij me një nga kompanitë më të mëdha për comics në botë.
Të gjithë ata që janë fansa të LoL-it ose të Marvel-it ose edhe më mirë të të dyjave bashkë, do të kënaqen pafund me comic-un e rradhës. Emri i tij është thjesht ‘Lux‘ dhe praktikisht është botimi i parë i pesë serive që tregojnë historinë që solli arratisjen e Sylas nga burgu, teksa Lady of Luminosity përpiqet të mësojë më shumë rreth magjisë së saj.
Nuk duam t’iu bëjmë shumë spoil këtu. Gjithçka që duhet të dini është se seritë e reja do i sjellin lexuesit në aventurën e Luxanna ‘Lux’ Crownguard, teksa ajo kalon peripeci të ndryshme dhe mëson më shumë rreth historisë dhe marrdhënies së Demacia me magjistarët.
Kopertina, të cilën mund ta shihni më sipër, e tregon atë të dyjëzuar midis dy versioneve të Demacia. Njëra anë plot jetë, bashkë me vëllain e saj Garen që është aty për ta mbrojtur dhe tjetra plot shkatërrim nga forcat e Sylas.
Bashkëpunimi i parë i Marvel me League of Legends solli që histori fantastike të ndarë në katër pjesë, të quajtur “Ashe Warmother”. Kjo e fundit merrej me origjinën e Frost Archer.
Sado që ky comic i la të gjithë fansat duke kërkuar një vazhdim të tij, Marvel i çoi gjërat në një këndvështrim tjetër me Lux dhe duket se që tani është në një fillim super.
Në një intervistë, Greg Street, përfaqësues i Riot, u shpreh se shpreson që këto bashkëpunime me Marvel do i afrojnë më shumë gjërat mes të dyja palëve. Deri më tani kjo dyshe e fuqishme ka qenë super sukses. Me rreth 140 champs që ndodhen në LoL, fansat mund të presin shumë më shumë gjëra nga Marvel dhe Riot.