Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Do shesim mend me skine Louis Vuitton tani
Duket se Worlds 2019 në League of Legends do t’i shtohet një partner shumë luksoz dhe me klas.
Firma e njohur botërore luksoze e modës Louis Vuitton do të bashkëpunojë me Riot Games për finalet e World Championship duke krijuar një kuti të vetme të llojit të saj Louis Vuitton për Summoner’s Cup.
Kutia do të mbajë brenda saj trofeun dhe do t’i jepet ekipit fitues në Paris, aty ku do të zhvillohet finalja e Worlds. Kjo është hera e parë që një firmë luksoze si Louis Vuitton po bashkëpunon me një kompani të fushës së esports.
“Kutia e bërë me porosi, e vetmja e llojit të saj për një kampionat esports, do të ketë në të simbolet tradicionale të Louis Vuitton së bashku me elementë të teknologjisë së lartë dhe më të fundit të inspiruara nga universi i League of Legends.”
Megjithatë, kutia e trofeut nuk është e vetmja gjë që do të vijë, pasi lojtarët do të marrin gjithashtu dhe skine unike për kampionët e tyre dhe një koleksion kapsulë, të gjitha të dizenjuara nga Nicolas Ghesquière, drejtori artistik i koleksioneve të femrave të Louis Vuitton. Gjithashtu do të krijohen dhe të tjera sende të inspiruara nga Louis Vuitton për League of Legends.
Si faqja e Riot, ashtu dhe ajo e Louis Vuitton janë hequr, gjë që me shumë mundësi do të thotë se ky lajmërim është bërë gabimisht para kohe.
Worlds 2019 fillon në 2 tetor me play-ins dhe do të mbarojë në 10 nëntor me finalen e madhe. Një bashkëpunim i tillë, si dhe shumë sponsorë të tjerë, e bëjnë Worlds një prej eventeve më të mëdha dhe më të shumëpritura të esports në botën e gaming. Këtu mund të gjeni listën e 24 ekipeve të kualifikuara të Worlds 2019.
