Bethesda ka njoftuar se do të mbajë një event për stream-in e Fallout 76 në 8 Nëntor, pra këtë të enjte. Do të thonim se është mjaft i madh, duke marrë parasysh emrat që do ta luajnë MMO-në gjatë eventit.
Në të njejtën kohë do të shohim së bashku Rick dhe Morty (personin që i dublon sigurisht, Justin Roiland), streamer-in e famshem Ninja dhe rreperin Logic. Nuk dimë me saktësi se çfarë do bëjnë shtesë krahas mbijetimit në një botë post-apokaliptike, por shpresojmë që do të mund ta argëtojnë audiencën më së miri.
Stream-i do të mbajë vend me datë 8 Nëntor dhe mund të zgjidhni portale të ndryshme për ta ndjekur.
Më në fund po e ndjejme pak afër 14 nëntorin (data e lançimit të lojës). Nëse keni humbur betën e Fallout 76, mund ta shfrytëzoni këtë stream si një mënyrë për ti hedhur një sy lojës përpara se të dalë.