Teaser-i i ri i Rick and Morty vendos Morty në një videolojë

A do e luanit një videolojë të tillë?

Ende në pritje të një date të rikthimit të Season 4 të Rick and Morty, adresa zyrtare e serialit në Twitter ka pastuar një teaser që mund të përshkruhet si një nga më të çuditshmit që kemi parë ndonjëherë.

Prezantohuni me “Rick’s Game”, një seri nivelesh që përfshin gjithçka, që nga Meeseeks që kapin qindra klone të Morty, e deri në ciklopa gjigandë që pështyjnë birrë.

Fundi i videolojës përfundon me një pamje të disa Ricks që janë duke e luajtur lojën, që kthehen të gjithë në fund për tu përballur me shikuesin.

Sado që ka pak gjasa që kjo të përfundojë në ndonjë episod të Rick and Morty, teaseri mund të nënkuptojë se do të kemi lajme për Season 4 së shpejti. Zakonisht spote të tilla dalin përpara transmetimit të një episodi të ri.

Shumica e fansave reaguan ndaj postimit, duke pyetur për datën e transmetimit të pjesës së mebtur të sezonit të 4. Ka kaluar goxha kohë në fakt, rreth 10 javë, dhe durimi i fansave po fillon të shterojë.

Për momentin duhet të mjaftohemi me këtë video trippy të Rick and Morty. Ku i dihet ndoshta postimi i ardhshëm mund të jetë ndonjë datë.