Aktorja që dublon Summer thotë se seritë e mbetura do të vijnë “së shpejti”.
Aktorja që dublon Summer thotë se seritë e mbetura do të vijnë “së shpejti”.
Jemi në 2020, ndaj është e natyrshme që e gjithë vëmendja të kalojë në datën e kthimit të sezonit të 4 të Rick and Morty. Me pesë episodet e para të transmetuara, është pak e padrejtë që po na bëjnë të presim për gjysmën e dytë të sezonit. Por kur do të vijë Rick and Morty Season 4 Episode 6? Sipas kalkulimeve të bëra, arrijmë në përfundimet e mëposhtme.
Le të fillojmë duke thënë se data zyrtare e rikthimit të sezonit të 4 ende nuk është dhënë. Gjithçka që është thënë deri tani është “së shpejti” dhe le të shpresojmë që me së shpejti duan të thonë 2020. Pak a shumë në të njejtën mënyrë se si sezoni final i Bojack Horseman u nda në dysh midis fundit të 2019s dhe fillimit të 2020s.
Spencer Grammer, që luan rolin e Summer në serial, është shprehur se: “kemi pesë episode të tjera që do të vijnë në një pikë, së shpejti.” Ajo gjithashtu tha se kishte mbaruar së regjistruari rreshtat e saj për finalen e sezonit të katërt të Rick and Morty, por se në total “nuk kanë mbaruar ende.”
Ende kemi rrugë përpara pra. Sa për referencë , sezoni i parë i Rick and Morty gjithashtu kishte një pauzë ndërmjet: një total prej gjashtë javësh mes episodit të gjashtë dhe të shtatë. Me episodin e fundit të Season 4 që u transmetua në 15 dhjetor, mund të kemi të bëjmë me të njejtën periudhë kohore, por kurrë nuk mund ta dimë me siguri.
Ka edhe një teori interesante të një fansi për këtë që përfshin Pickle Rick. Një miksim i Rick and Morty me Pringles përfshin Pringles me shije Pickle Rick, që bëhen të disponueshme në 2 shkurt. Reddit sugjeron se data është pak e dyshimtë, pasi jo vetëm që është ditë e dielë (dita kur transmetohen episodet e Rick and Morty), por gjithashtu është e njejta datë me Super Bowl. Ndoshta 2 shkurti është dita që po prisnim.
Ka ende pesë episode të mbetura nga sezoni i katërt i Rick and Morty. Derisa të kemi një datë konkrete lançimi për ta, na mbetet të presim.