“Dhjetë vite, a mund ta besoni?” tha kreu i Respawn Entertainment, Vince Zampella në një postim, teksa po rishikonte udhëtimin e studios së Apex Legends dhe Star Wars Jedi: Fallen Order. Në këtë postim Zampella gjithashtu konfirmon se nuk ka një lojë të re të Titanfall në horizont.
Kjo sipas një intervistë të bërë së fundmi, në të cilën kreu i Respawn thotë se studioja nuk ka gjë në dorë, përsa i përket lojës së re të Titanfall. “Për momentin nuk ka asgjë në zhvillim,” tha ai.
Ana pozitive në këtë rast është që kjo nuk është një ‘jo’ kategorike. “Në një farë pike, do të doja të shikoja një rikthim të Titanfall. Do të shohim nëse mund ta bëjmë të mundur këtë,” tha Zampella.
Vitin e shkuar kishte disa raportime që thonin se ekzistonin plane për një lojë të re Titanfall, por tashmë e vërtetuam që kjo nuk është e vërtetë. Gjithsesi nga fjalët e kreut të studios, kurrë nuk i dihet.