Zhvilluesi i Apex Legends, Respawn është i vetëdijshëm për dëshirën e fansave që loja të vijë në Switch, por momentalisht kjo gjë nuk mund të ndodhë. Respawn nuk është ende gati të thotë “po”. Drejtuesi i këtij projekti, Drew McCoy u shpreh se studioja po punon me shumë gjëra për momentin, por ende nuk ka asnjë njoftim për të dhënë mbi edicionin e lojës në Switch.
“Nëse do ta sillnim në Switch, do iu thonim dhe do e bënim gjithë botën ta dinte. I dëgjojmë të gjithë lojtarët e Switch që e duan lojën, por thjesht nuk mund të bëjmë asnjë premtim për momentin. I kemi duart shumë të zëna, ndaj jini të vëmendshëm për njoftimet e së ardhmes.”
Përzgjedhia e fjalëve të McCoy është shumë interesante. Ai nuk thotë drejtpërdrejt se nuk do të ndodhë, po as nuk jep shpresa që do të bëhet. Është larg nga një konfirmim se Apex Legends do të vijë në Switch gjithsesi.
Lojtarët e Switch sështë se kanë ngelur pa battle royale në të. Fortnite dhe Tetris 99 janë aty për ta mbushur hapërsirën.