Besoj se shumica jemi të njohur me rreptësinë që Respawn ruan ndaj hileqarëve. Dje kompania zbuloi se ka bllokuar 770,000 lojtarë, 300,000 krijime account-esh dhe 4000 adresa cheat seller.
“Nuk mund të ndajmë detaje rreth kësaj që jemi duke bërë, që të mos iu japim avantazh hileqarëve, por mund të themi që jemi duke e parë situatën në çdo kënd të mundshëm.” Ka shkruajtur kompania në blogun e saj. Sipas Respawn, raportimi i hileve në lojë është bërë më i thjeshtë. Mendohet se kompania është duke punuar me ekspertë nga EA dhe zhvillues nga DICE, FIFA dhe Capital Games.
Katapultimi i Apex Legends drejt popullaritetit është një nga arsyet përse loja përballet me shumë hileqarë. Vetëm në javën e parë loja arriti 25 milion lojtarë dhe në muajin e parë 50 milionë në mbarë botën.
Gjithsesi kohët e fundit interesimi i lojtarëve për lojën ka rënë dukshëm. Kjo pasi njerëzit vazhdojnë ta krahasojnë vazhdimisht me Fortnite, që në fakt është një logjikë e gabuar për tu ndjekur.
Nëse Respawn do të arrijë ta sjellë lojën në lavdinë e mëparëshme ende nuk dihet, por një gjë është e sigurt. Po vuri dedikimin që ka vënë kundër hileqarëve edhe në përmbajtien sezonale, gjërat do të jenë shumë më mirë.